Plantun de Prouvènço

Pèr coumpara dos planto d'encò nostre

Myosotis congesta & Dittrichia viscosa

Te-vese-e-t'ame(-di-flour-sarrado)

Myosotis congesta

Boraginaceae

Àutri noum : Ti-viéu-e-t'aìmi, Uei-de-l'enfant-Jèsu.

Nom en français : Myosotis à fleurs serrées.

Descripcioun :
Aquéu te-vese-e-t'ame trachis dins li tepiero sablouso, séusouso e umido. Au nostre se vèi soulamen en Prouvènço séusouso. Douno d'èr à Myosotis ramosissima, mai li flour soun mai sarrado, emé de pecou courtet e mens clina. La baso di petalo èi roujo e souvènt gounflo. Pensa de coumpara emé lis autri te-vese-e-t'ame en quichan sus la flècho verdo çai-souto.

Usanço :
Li flour podon se bouta dins lou mesclun. Se dis que li te-vese-e-t'ame soun vertuous contro l'enflamacioun, majamen pèr lis iue ("principe di signaturo").

Port : Erbo
Taio : 3 à 15 cm
Fueio : basalo
Tipe bioulougico : Teroufite
Cicle bioulougico : Planto de l'an

Gènre : Myosotis
Famiho : Boraginaceae

Coulour de la flour : Bluio
Petalo : 5
Ø (o loungour) flour : 2 à 3 mm
Flourido : Printems

Sòu : Si
Autour basso e auto : 0 à 600 m
Aparado : Noun
Mars à mai

Liò : Tepiero sablouso umido - Ermas
Estànci : Termoumediterran à Mesoumediterran
Couroulougi : Estenoumediterrano-Nord
Ref. sc. : Myosotis congesta Shuttlew. ex A.Albert & Reyn., 1891

Nasco

Dittrichia viscosa

Asteraceae Compositae

Àutri noum : Embriago, Ebriago, Erbo-di-masco, Erbo-di-niero.

Nom en français : Inule visqueuse.

Descripcioun :
Planto proun grando (>1m) e un pau bouissounouso, glandoulouso e viscouso que vèn dins lis ermas, lis escoumbre e proche de l'aigo. Flouris à la fin de l'estiéu. Aquéli flour coumpausado soun jauno emé de lòngui ligulo. La planto es óudouranto, d'aqui que vèn li noum de nasco e d'embriago que fai un pau vira la tèsto.

Usanço :
Emé la nasco, se fai d'òli vertuouso contro li verme e lis espaime. Fau saupre que la planto èi bono pèr lucha contro la mousco de l'óulivié qu'assousto un de si parasite, Eupelmus urozonus. Avisas-vous de la pas derraba.

Port : Aubret
Taio : Pancaro entresigna
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Dittrichia
Famiho : Asteraceae
Famiho classico : Compositae
Tribu : Inuleae

Coulour de la flour : Jauno
Petalo : >6
Ø (o loungour) flour : Pancaro entresigna
Flourido : Autouno

Sòu : Ca
Autour basso e auto : Pancaro entresigna
Aparado : Noun

Liò : Escoumbre e proche dis oustau - Champ - Ribiero
Estànci :
Couroulougi : Pancaro entresigna
Ref. sc. : Dittrichia viscosa (L.) Greuter, 1973

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

CCC

RRR

Myosotis congesta & Dittrichia viscosa

ges

Coumpara Te-vese-e-t'ame(-di-flour-sarrado) emé uno autro planto

Coumpara Nasco emé uno autro planto